Streektaaldictee, 2017
Streektaaldictee 23 maart 2017
Zo zegge wi-j dat, zo schrieve wi-j dat !

Uutneudeging veur ’t Oost-Gelders Streektaaldictee en culturele aovend.
’t Joorlekse Oost-Gelderse Streektaaldictee wordt dit joor op donderdag 23 meert 2017 eholden. Disse kere is ‘t ’n bezundere, feesteleken aovend want ’t is al weer de tiende kere dat ‘t schrieven in onze Achterhookse en Liemerse streektaal volgens de WALD-spelling centraal steet. En natuurlek is der ok weer muziek in de streektaal want de bekende groep Bonne Route traedt op.
Veur de regels dee de WALD-spelling hanteert en veur meer informatie aover ’t dictee, kiek op: www.streektaaldictee.nl; ok op Facebook (Oost-Gelders Streektaaldictee) is ’t een en ander te vinden.
 
Wie hopt dat der weer heel völle leu komt dee der aardegheid an hebt um wat der deur Dianne Marsman en Henk van Aalten veur-elaezen wordt in onze streektaal op te schrieven volgens regels dee in 1979 op-esteld bunt, uutgaonde van eerdere anbevelingen van schrievers in onze streektaal.
 
A’j kommen wilt, wacht dan niet te lange met opgeven, maor doot dat dan veur 20 meert bie ‘t Erfgoedcentrum via: info@ecal.nu of: 0314-787078
Donderdag 23 meert 2017, inloop vanaf 19.15 uur, anvang 19.45 uur.
Plaatse: Hotel café restaurant De Gouden Karper, Dorpsstraat 9, Hummelo.
Deelname: € 5,00 (incl. koffie/thee).

Namens de organisatie,
Henk van Aalten.
Home  |  Fotoalbum  |  Reclame  |   |  Archief  |  Links  |  Contact  |  Sitemap